छत्रपती संभाजीनगर (निळे प्रतिक न्यूज नेटवर्क) – अखेर छत्रपती संभाजीनगरचे पालकमंत्रिपद संजय शिरसाट यांच्याकडे सोपवण्यात आले आहे. मुख्यमंत्री देवेंद्र फडणवीस यांनी १८ जानेवारी रोजी रात्री उशिरा राज्यातील पालकमंत्र्यांची अधिकृत यादी जाहीर केली. शिरसाट यांचा दावा खरा ठरत, त्यांना छत्रपती संभाजीनगरचा पालकत्वाचा मान मिळाला आहे
गेल्या काही दिवसांपासून आ. अब्दुल सत्तार आणि संजय शिरसाट यांच्यात वाक्युद्ध सुरू होते. त्यामुळे पालकमंत्रिपद कोणाकडे जाणार, याबाबत अनेक चर्चा रंगल्या होत्या. परंतु शिरसाट यांचे नाव निश्‍चित झाले असून, त्यांनी आपली ताकद सिद्ध केली आहे.
मुख्यमंत्री फडणवीस यांच्याकडे गडचिरोली, उपमुख्यमंत्री एकनाथ शिंदे यांच्याकडे ठाणे आणि मुंबई शहर, तर अजित पवार यांच्याकडे पुणे व बीड यांचा कार्यभार सोपवण्यात आला आहे.
राज्यात पहिल्यांदाच तीन मंत्र्यांना सहपालकमंत्रिपद देण्यात आले आहे. यात नागपूर, अमरावती, कोल्हापूर यांसारख्या जिल्ह्यांमध्ये सहपालकमंत्री नियुक्त करण्यात आले आहेत.
नव्या पालकमंत्र्यांची यादी:
गडचिरोली – देवेंद्र फडणवीस
ठाणे, मुंबई शहर – एकनाथ शिंदे
पुणे,बीड – अजित पवार
नागपूर, अमरावती – चंद्रशेखर बावनकुळे
छत्रपती संभाजीनगर – संजय शिरसाट
बुलडाणा – मकरंद जाधव पाटील
अहिल्यानगर – राधाकृष्ण विखे पाटील
वाशिम – हसन मुश्रीफ
सांगली – चंद्रकांतदादा पाटील
नाशिक – गिरीश महाजन
पालघर – गणेश नाईक
जळगाव – गुलाबराव पाटील
यवतमाळ – संजय राठोड
मुंबई उपनगर – आशिष शेलार आणि सहपालकमंत्री मंगलप्रभात लोढा
रत्नागिरी – उदय सामंत
धुळे – जयकुमार रावल
जालना – पंकजा मुंडे
नांदेड – अतुल सावे
चंद्रपूर – अशोक उईके
सातारा – शंभूराज देसाई
रायगड – आदिती तटकरे
लातूर – शिवेंद्रसिंह भोसले
नंदुरबार – माणिकराव कोकाटे
सोलापूर – जयकुमार गोरे
हिंगोली – नरहरी झिरवाळ
भंडारा – संजय सावकारे
धाराशिव – प्रताप सरनाईक
सिंधुदुर्ग – नितेश राणे
अकोला – आकाश फुंडकर
गोंदिया – बाबासाहेब पाटील
कोल्हापूर – प्रकाश आबिटकर आणि सहपालकमंत्री माधुरी मिसाळ
गडचिरोली – आशिष जयस्वाल सहपालकमंत्रीवर्धा – पंकज भोयर
परभणी – मेघना साकोरे बोर्डीकर
